Xarkov və ətraflarının atəşə tutulması nəticəsində polis və mülki şəxs həlak olub, 13 nəfər yaralanıb

Son sutka ərzində düşmən Xarkov və vilayətin 10 yaşayış məntəqəsinə zərbələr endirib. Hücumlar nəticəsində polis əməkdaşı və mülki şəxs həlak olub, daha 13 nəfər yaralanıb.

Xarkovda Şevçenko, Kiyev və İndustrial rayonları atəşə məruz qalıb. Orada 42 yaşlı kişi həlak olub, aralarında üç polis əməkdaşı olmaqla beş nəfər yaralanıb. İki polis əməkdaşı xəstəxanaya yerləşdirilib. Həmçinin 41 yaşlı xarkovlu kəskin stress reaksiyası keçirib.

Yaralananlar arasında 28, 39, 53 yaşlı qadınlar və 28 və 43 yaşlı kişilər də var. Zoloçiv qəsəbəsində 62 yaşlı qadın və 45 yaşlı kişi, İzyum şəhərində 58 və 75 yaşlı kişilər, Borova qəsəbəsində isə 65 yaşlı kişi və 71 yaşlı qadın yaralanıb. Həkimlər həmçinin 56 yaşlı kişiyə yardım göstərib.