Харьковтегі шабуыл салдарынан зардап шеккендер саны 43 адамға жетті

Харьковтегі көпқабатты тұрғын үйге жасалған соққы салдарынан зардап шеккендер саны 43 адамға дейін өсті, деп хабарлайды облыстық прокуратураның баспасөз қызметі. Ведомство мәліметінше, зардап шеккендердің арасында 11 бала бар. Бұған дейін қала басшысы Игорь Терехов 35 адамның, соның ішінде 10 баланың зардап шеккенін мәлімдеген болатын.

Жергілікті биліктің хабарлауынша, соққы болған жерде іздестіру-құтқару жұмыстары толық аяқталды, үйінділер астынан ешкім табылған жоқ. Коммуналдық қызметтер ТЖМ бөлімшелерімен бірлесіп, шабуыл салдарын жоюды жалғастыруда. Соққы қаланың Салтовка ауданында тіркелді.

Харьков облыстық әскери әкімшілігінің басшысы Олег Синегубовтың айтуынша, жарылыс салдарынан 18 тұрғын үй зақымданған. Оқ-дәрі түскен пәтерде үш бала тұрған — төтенше қызметтер келгенге дейін әкесі оларды үйден шығарып үлгерген. Сондай-ақ үйден 32 адамның құтқарылғаны хабарланды.

Бұдан бөлек, дереккөздердің ақпараты бойынша, Харьков облысындағы шабуыл салдарынан денесінің шамамен 60%-ы күйіп қалған 13 жасар бала ауруханада көз жұмды. Дәрігерлер оның өмірі үшін соңына дейін күресті.