Rossiya qo‘shinlari Ukrainaga ommaviy hujum uyushtirdi

07 oktyabrga o‘tar kechasi Rossiya Ukraina hududiga hujum dronlari va har xil turdagi raketalar bilan ommaviy hujum uyushtirdi. Kiyevning Darnitskiy tumanida yong‘inni o‘chirish chog‘ida qutqaruvchilar ikki kishining jasadi topilgan. Shuningdek, hujum natijasida garaj kooperativida yong‘in kelib chiqqan, ikki kishi qutqarilgan.

Prilukida raketa besh qavatli turar-joy binosini vayron qildi. Vayronalar ostida odamlar qolgan bo‘lishi mumkin. Dneprda zarba sanoat obyektiga yetkazildi.

Umuman olganda, Kiyevda Obolonskiy va Podilskiy tumanlariga zarbalar qayd etilgan, jumladan omborxona binolari shikastlangan. Kremenchukda turar-joy hududiga zarba berilgan, ko‘p qavatli uylar va xususiy sektor shikastlangan.

Zaporijjyada transport infratuzilmasi obyekti shikastlangan, bu tufayli harakatlanishda cheklovlar bo‘lishi mumkin. Hujum, shuningdek, Svitlovodsk, Oleksandriya va Tripillya shaharlariga ham yetib borgan.