Ресей әскері Украинаға дронмен шабуыл жасады, зардап шеккендер мен қираулар бар

Сенбіге қараған түні ресейлік әскерлер Украинаға 157 дронмен шабуыл жасады. Әуе қорғаныс күштері 131 ұшқышсыз ұшақты залалсыздандырды, қалғандары ел аумағындағы 12 жерге тиді.

Киев облысындағы Гостомельде атқылау салдарынан төрт адам зардап шекті, оның ішінде екі бала бар. Соққы тиген жерде қойма үй-жайлары өртенді.

Днепрде кешке қарай ресейлік әскерлер көпқабатты тұрғын үйге және бизнес-орталыққа соққы берді. Төрт тұрғын жарақат алды.

Харьковте дрон Киев ауданындағы жеке тұрғын үйдің жанына құлады, салдарынан газ құбыры зақымданды. Үш адам зардап шекті.

Сондай-ақ ресейлік әскерлер Запорожье облысының аумағына соққы берді. Аймақтағы салдарлар туралы мәліметтер әзірге шектеулі.