Ҳамлаҳо ба вилояти Донетск: кушташудагон ва захмиён ҳастанд, мардум эвакуатсия шуд

Дар давоми як шабонарӯз нерӯҳои Русия 28 маротиба маҳалҳои аҳолинишини вилояти Донетскро мавриди тирпарронӣ қарор доданд. Сардори маъмурияти ҳарбии вилоят Вадим Филашкин хабар дод, ки се нафар кушта шуда, 11 каси дигар захмӣ гаштаанд.

Дар ноҳияи Краматорск дар деҳаи Хрестишче-и ҷамоати Святогорск ду нафар маҷрӯҳ шуданд. Дар Словянск як нафар ба ҳалокат расида, чор кас захмӣ шуд ва ба 4 бинои баландошёнаву 20 хонаи шахсӣ зарар расид.

Дар Суханивка як нафар кушта шуда, 3 хонаи шахсӣ хароб ва 27 хонаи дигар зарар диданд. Аз хатти ҷабҳа 202 нафар, аз ҷумла 20 кӯдак эвакуатсия карда шуданд.