Rossiya Odessa viloyati portidagi fuqarolik kemasiga hujum qildi, jabrlanganlar bor

Shanba kuni, 3-oktabrda, Rossiya qo‘shinlari Odessa viloyati portlaridan birida Liberiya bayrog‘i ostidagi fuqarolik yuk kemasiga hujum qildi. Zarba natijasida motorchi-matros halok bo‘ldi, ekipajning yana uch a’zosi yaralanib, kasalxonaga yotqizildi.

JINCHENG quruq yuk kemasi bortida kuchli yong‘in kelib chiqdi, u tezda o‘chirildi. Ekipajning 13 a’zosi xavfsiz joyga evakuatsiya qilindi.

Qayd etilishicha, zarbalar avval xabar qilinganidek bitta emas, balki ikkita kemaga berilgan.