Ресей түнде Украинаға дрондармен шабуыл жасап, бірнеше өңірдегі нысандарды зақымдады

Сейсенбі, 6 қазанға қараған түні Ресей әскері Украинаға 137 дронмен шабуыл жасады, олардың 49-ы реактивті болған. Әуе шабуылына қарсы қорғаныс күштері 114 ұшқышсыз ұшу аппаратын залалсыздандыра алды.

Соққы 17 жерге тиіп, тағы төрт жерге сынықтар құлады. Запорожьеде Ресей әскері Днепр арқылы өтетін көпірлердің біріне шабуыл жасап, соның салдарынан бес адам, соның ішінде жұмысқа бара жатқан Қызыл Крест қызметкерлері зардап шекті.

Харьковте қазірдің өзінде алты адамның зардап шеккені белгілі. Одесса облысында түнгі шабуыл салдарынан жеке кәсіпорын зақымданып, өрт шықты. Ал Киевте дрон сынықтарынан оқу орнының шатыры жанған.