Запорожьеде Ресей шабуылынан көпір зақымданып, адамдар жарақат алды

6 қазанға қараған түні ресейлік әскер Запорожьедегі Днепр өзені арқылы өтетін көпірлердің біріне шабуыл жасады. Соққы салдарынан бес адам жарақат алды, олардың арасында жұмысқа бара жатқан Қызыл Крест ұйымының екі қызметкері бар.

Облыстық әскери әкімшіліктің мәліметінше, жарақат алғандар — 24 және 59 жастағы әйелдер, сондай-ақ 36, 43 және 54 жастағы ер адамдар. Зардап шеккендердің жағдайы — жеңіл.

Жол төсемінің зақымдануына байланысты Хортица аралы бағытындағы Вант көпірі мен Преображенский көпіріндегі көлік қозғалысы уақытша шектелді. Айналма жол ДнепроГЭС және Аркалы көпір арқылы ұйымдастырылды. Кейіннен патрульдік полиция Преображенский көпірінде қозғалыстың қалпына келтірілгенін хабарлады.