Зеленский аз осеб дидани иншооти энергетики дар натиҷаи ҳамлаи шабонаи Русия хабар дод

Президенти Украина Володимир Зеленский хабар дод, ки шаби сешанбе, 29 сентябр, нерӯҳои русӣ ба 9 вилояти Украина ҳамла карданд. Ба гуфтаи ӯ, зери зарбаҳо вилояти Киев, Днепр, Харков, Суми, Донетск, Запорожже, Житомир, Волин ва Ровно қарор гирифтанд.

Дар Киев дар натиҷаи тирборонҳо депои истгоҳи «Киев-Пассажирский», марказҳои додаҳо ва тиҷоратӣ, инчунин хонаҳои истиқоматӣ осеб диданд. Дар вилояти Одесса муассисаи таълимӣ, хобгоҳ ва ду киштии хориҷӣ осеб диданд.

Умуман, ба гуфтаи президент, иншооти энергетикӣ, зерстансияҳо, корхонаҳои шаҳрвандӣ ва хонаҳои истиқоматӣ осеб диданд. Ӯ қайд кард, ки корҳои рафъи оқибатҳои тирборонҳо дар шаҳрҳо ва ҷамоатҳо тақрибан бефосила идома доранд.