BMT Ukrainada fuqarolik qurbonlari soni 2025-yil ko‘rsatkichidan oshganini qayd etdi

Birlashgan Millatlar Tashkiloti Ukrainada 2026-yilning sakkiz oyi davomida fuqarolik qurbonlari soni 2025-yil uchun qayd etilgan ko‘rsatkichdan oshib ketganini maʼlum qildi. Maʼlumotlarga ko‘ra, yanvardan avgustgacha bo‘lgan davrda kamida 2222 tinch aholi vakili halok bo‘lgan, 13 058 kishi esa jarohatlangan.

Umuman olganda, BMT bu davrda fuqarolik aholisi orasida 15 280 jabrlanganini qayd etdi. Taqqoslash uchun, 2025-yil davomida bu ko‘rsatkich 14 656 kishini tashkil etgan.

Eng ko‘p qurbonlar iyul va avgust oylarida qayd etilgan: ushbu ikki yoz oyida 820 kishi halok bo‘lgan, yana 5 mingdan ortiq kishi jarohatlangan. BMT urush «xavfli yangi bosqichga» kirgani haqida ogohlantirmoqda va qish yaqinlashgani sayin energiya infratuzilmasiga zarbalar alohida xavf tug‘dirayotganini taʼkidlamoqda.