Qora dengizda ukrain doni tashuvchi turk kemasi hujumga uchradi

05 oktyabr, dushanba kuni Qora dengizda ukrain doni tashuvchi turk yuk kemasi Royad Mammadov hujumga uchradi. Kema avval Izmail portidan chiqqan edi. Hujum natijasida kemada yong‘in kelib chiqdi, kapitan yaralandi, ekipajning 13 a’zosi bedarak yo‘qoldi va qidiruv-qutqaruv missiyasi tashkil etildi.

Hodisa Qora dengiz akvatoriyasida qirg‘oqdan 20 dengiz mili uzoqlikda, Ruminiya hududiy suvlari yaqinida, «Petrom» kompaniyasining «Pescăruș» platformasi oldida sodir bo‘ldi.

Ruminiya rasmiylari ma’lumotiga ko‘ra, kema uchuvchisiz uchish apparati (UUA) hujumi natijasida cho‘kib ketdi. Xabar qilinishicha, ekipajning ikki a’zosi halok bo‘ldi, 11 kishi qutqarildi.