Kiyevda portlashlardan so‘ng yorug‘lik va suv ta’minoti uzildi

30-sentabr, chorshanba kuni Rossiya qo‘shinlari Kiyevni ballistik raketalar va dronlar bilan ommaviy hujum qildi. Zarba natijasida «Kiyevteploenergo» xodimi halok bo‘ldi, shaharda ko‘plab yong‘inlar kelib chiqdi.

Portlashlardan so‘ng Kiyevning ayrim tumanlarida elektr va suv ta’minoti uzildi. Xususan, «Vasilkivska» metro bekati portlashlardan keyin yorug‘liksiz qoldi.

Ukrenergo buyrug‘iga ko‘ra, Kiyevda favqulodda elektr uzilishlari joriy etildi, uzilishlar jadvallari amal qilmaydi. Kiyev, Chernigov va Jitomir viloyatlarida ham favqulodda elektr uzilishlari joriy etildi.

Ta’mirlash-tiklash ishlari davom etmoqda. Energetiklar barqaror elektr ta’minotini imkon qadar tezroq tiklash uchun ishlamoqda.