Зеленский аз Русия хост, ки шиддат бахшидани вазъро қатъ кунад

Президенти Украина Владимир Зеленский аз Русия даъват кард, ки шиддат бахшидани ғайриоддии вазъро қатъ кунад ва таъкид намуд, ки нерӯҳои Русия зерсохтор ва тамоми василаҳои ҳаёти муқаррариро ба ҳадафи худ табдил медиҳанд. Ба гуфтаи ӯ, субҳ дар Киев як «шаҳид» ба пули Шимолӣ зарба зад.

Дар давоми шаб биноҳои истиқоматӣ, роҳи оҳан ва соҳаи энергетика дар бисёр минтақаҳо мавриди ҳамлаҳои Русия қарор гирифтанд. Дар Черноморск бо дрон ба як киштӣ заданд. Ӯ ҳамчунин иброз дошт, ки низомиёни украинӣ роҳҳои одилонаи посух ба ин ҳамлаҳоро пайдо мекунанд ва дар ин шабонарӯз зарбаҳои дурпарвоз ба иншооти хидматрасони мошини ҷангӣ муассир буданд.

Дар маъмурияти бандарҳои баҳрии Украина хабар доданд, ки дар бандаре дар вилояти Одесса як киштии боркаш бо парчами Либерия зери зарба монд. Дар натиҷаи ин ҳамла як маллоҳ ҳалок шуда, се нафари дигар маҷрӯҳ шуданд. 13 узви ҳайати экипаж ба ҷои амн кӯчонида шуданд.