Zelenskiy Rossiyani noadekvat eskalatsiyani to‘xtatishga chaqirdi

Ukraina Prezidenti Volodimir Zelenskiy Rossiyani noadekvat eskalatsiyani to‘xtatishga chaqirib, rus qo‘shinlari infratuzilma va oddiy hayotni ta’minlaydigan barcha narsalarni nishonga olishda davom etayotganini ta’kidladi. Uning so‘zlariga ko‘ra, ertalab Kiyevda «shahed» Pivnichniy ko‘prigiga zarba berdi.

Tun davomida ko‘plab hududlarda turar-joy binolari, temir yo‘l va energetika obyektlari rus hujumlari ostida qoldi. Chornomorskda dron kemaga urildi. Shuningdek, u ukrain askarlari ushbu o‘qqa tutishlarga adolatli javob topayotganini va bu kun davomida uzoq masofali qurollar harbiy mashinaga xizmat qiluvchi obyektlarga samarali zarba berganini qayd etdi.

Ukraina dengiz portlari ma’muriyati Odesa viloyati portida Liberiya bayrog‘i ostidagi yuk kemasi zarba ostida qolganini ma’lum qildi. Hujum natijasida bir dengizchi halok bo‘ldi, yana uch kishi yaralandi. Ekipajning 13 a’zosi xavfsiz joyga evakuatsiya qilindi.